सोलापूर जिल्ह्यात भूकंपाचे लागोपाठ धक्के

सोलापूर जिल्ह्यात 3 ठिकाणी भूकंपाचे धक्के; सांगोला भूकंपाचा केंद्रबिंदू

सिंहवाणी ब्युरो / सोलापूर
सोलापूर जिल्ह्यात भूकंपाचे आज सकाळी लागोपाठ धक्के बसले हे धक्के जाणवल्यावर नागरिकात घबराट पसरली परंतु जीवित व वित्त हानी मात्र कुठेही झाली नाही

सोलापूर जिल्ह्यात 3 ठिकाणी हे भूकंपाचे धक्के बसले आहेत . जिल्ह्यातील सांगोला येथे भूकंपाचा केंद्रबिंदू असल्याचे भूकंप मापन कार्यालयाच्या वतीने सांगण्यात आले.

सोलापूर जिल्ह्यात आज भूकंपाचे सौम्य धक्के बसल्याची माहिती समोर आली आहे. सोलापूर जिल्ह्यातील सांगोला येथे भूकंपाचा केंद्रबिंदू असल्याचे समजले. राष्ट्रीय भूकंपशास्त्र केंद्राने याबाबतचे ट्विट करत माहिती दिली आहे. त्यामुळे, सोलापूरसह जिल्ह्यातील नागरिकांमध्ये काहीशी भीती पसरलली आहे.

सोलापूर जिल्ह्यातील पंढरपूर, सांगोला आणि मंगळवेढा येथे 2.6 रेक्टर स्केल भूकंपाच्या तीव्रतेचे धक्के जाणवले आहेत. साधारणपणे आज सकाळी 11 वाजून 22 मिनिटांनी काही क्षणासाठी हे भूकंपाचे धक्के जाणवले असल्याची माहिती आहे. सुदैवाने या भूकंपाच्या धक्क्यामुळे कोणत्याही पद्धतीची हानी झालेली नाही. मात्र, भूकंपाचे वृत्त समजताच नागरिकांच्या मनात काहीशी भीती निर्माण झाली आहे. सांगोला मतदारसंघात भूकंपाचे केंद्रस्थान आहे. सातारा जिल्ह्यातील काही भागात गेल्या आठवड्यात भूकंपाचे धक्के जाणवले होते

दरम्यान, महाराष्ट्रातील सातारा जिल्ह्यात सातत्याने भूकंपाचे धक्के बसत असतात. येथील कोयना परिसरात भूकंपाचे केंद्र असते, सौम्य भूकंपाच्या धक्क्यांनी येथील परिसर काहीसा हादरुन जातो. मात्र, या भूकंपामुळे लातूर भूकंरपाच्या आठवणी ताज्या होतात. सोलापूर जिल्ह्यातील आजच्या भूकंपानंतरही काहींनी लातूरमधील भूकंपाच्या आठवणी ताज्या केल्याचं दिसून आलं.

सोलापूर जिल्ह्यात केवळ तीन तालुक्यात हे भूकंपाचे धक्के जाणवले असले तरी इतरत्र कोणत्याही प्रकारचा भूकंप झाल्याबद्धल नोंद नसल्याची माहिती मिळाली.