आठ वर्षापासून पदवीधर बेरोजगारांसाठी रस्त्यावर झगडणारे प्रा. जोतीराम सोरटे पुणे पदवीधर साठी इच्छुक !*

सिंहवाणी ब्युरो / गारगोटी-
प्राध्यापक भरती, शिक्षक भरती, शिक्षकेतर कर्मचारी भरती तसेच प्राथमिक शाळा बचाव, पवित्र पोर्टल भरती, अभियांत्रिकी पदवीधर, पदवीधरांच्या वैयक्तिक पातळीवरील समस्या ह्या सर्वांसाठी मागील आठ वर्षापासून रस्त्यावर झगडणारे प्राध्यापक जोतीराम सोरटे पुणे पदवीधर निवडणूक लढविण्याच्या तयारीत आहेत.
पुणे पदवीधर निवडणुकीसाठी पदवीधर मतदार नोंदणी कार्यक्रम सध्या सुरू आहे. निवडणूक नोव्हेंबर डिसेंबर 2026 मध्ये होणार आहे. या मतदार नोंदणीसाठी सर्वच इच्छुक उमेदवार सध्या पदवीधर मतदार नोंदणी करण्यामध्ये व्यस्त आहेत. प्राध्यापक जोतीराम सोरटे हे मागील आठ वर्षापासून सर्वच पदवीधरांच्या संपर्कात असून त्यांनीही पदवीधर मतदार नोंदणी मोठ्या प्रमाणात चालू केलेली आहे. त्यांनी अनेक आंदोलने, पदयात्रा, शासन स्तरावर प्रत्यक्ष पाठपुरावा, अधिकारी वर्ग यांच्याबरोबर बैठका तसेच प्रत्येक शैक्षणिक कार्यामध्ये मागील अनेक वर्षापासून आघाडी घेतलेली आहे. ते सध्या पदवीधरांच्या अनेक प्रलंबित प्रश्न संदर्भात शासन स्तरावर पाठपुरावा करत आहेत. ते सध्या येऊ घातलेली पदवीधर निवडणूक मोठ्या तयारीनिशी लढविण्याच्या तयारीत आहेत.